ACTIVIDADES DO CURSO 2018/2019
VISITA AO PARLAMENTO GALEGO E AO PÓRTICO DA GLORIA
OBRADOIRO DE DANZA CON XIANA VILAS
O luns día 25 de febreiro, continuou a II Semana da Muller co obradoiro de danza da coreógrafa e bailarina Xiana Vilas, que mantemos por segundo ano consecutivo dado o grande éxito da primeira experiencia na Semana da Muller do pasado curso.
Máis de 30 alumnas e alumnos de todos os niveis da ESO participaron nesta divertida actividade, aprendendo unha coreografía inspirada na muller. O obradoiro xirou en torno ós conceptos de confianza e medo, que traballaron mediante movementos e coreografías.
MULLERES EN VANGARDA
A exposición MUJERES EN VANGUARDIA de Residencia de estudiantes de Madrid e Acción cultural española foi inaugurada polo noso centro no auditorio de Cangas o pasado día 12 de febreiro, coa asistencia de moito público e personalidades, como a presidenta da deputación de Pontevedra, Carmela Silva, a subdelegada do goberno en Pontevedra Maica Larriba, o alcalde de Cangas Xosé manuel Pazos e a inspectora do noso centro, Dori de la Fuente. Tamén estaban presentes a concelleira de igualdade de Moaña, María Ortega e a tenente de alcalde do noso concello, Marta Freire. Representando ó noso centro estaba a secretaria Estrela Villaverde e a coordinadora do EDLG Carmen Pérez. Todas as persoas que interviñeron felicitaron ó centro pola iniciativa e destacaron a importancia desta exposición para visibilizar as grandes intelectuais e artistas da "Generación del 27" que foron esquecidas pola historia, sendo que a súa produción literaria e artística xa fora recoñecida no seu momento e era de gran altura. O noso centro agradece ó concello de Cangas a cesión do espazo do auditorio.
A exposición MUJERES EN VANGUARDIA de Residencia de estudiantes de Madrid e Acción cultural española foi inaugurada polo noso centro no auditorio de Cangas o pasado día 12 de febreiro, coa asistencia de moito público e personalidades, como a presidenta da deputación de Pontevedra, Carmela Silva, a subdelegada do goberno en Pontevedra Maica Larriba, o alcalde de Cangas Xosé manuel Pazos e a inspectora do noso centro, Dori de la Fuente. Tamén estaban presentes a concelleira de igualdade de Moaña, María Ortega e a tenente de alcalde do noso concello, Marta Freire. Representando ó noso centro estaba a secretaria Estrela Villaverde e a coordinadora do EDLG Carmen Pérez. Todas as persoas que interviñeron felicitaron ó centro pola iniciativa e destacaron a importancia desta exposición para visibilizar as grandes intelectuais e artistas da "Generación del 27" que foron esquecidas pola historia, sendo que a súa produción literaria e artística xa fora recoñecida no seu momento e era de gran altura. O noso centro agradece ó concello de Cangas a cesión do espazo do auditorio.